Bizi Facebook`da izləyin

20 saniyəyə bağlanır... Bağla

Haqqımızda

Əlaqə



Bakı Şəhər Halqası: “Azərbaycan Qran-Prisi azarkeşsiz keçirilməməlidir”

Bakı Şəhər Halqası Əməliyyat Şirkəti (BŞH) davam edən COVID-19 qlobal pandemiyası səbəbindən qeyri-müəyyən müddətə təxirə salınan “Formula 1” üzrə Azərbaycan Qran-Prisi ilə əlaqədar son vəziyyətə aydınlıq gətirib. 

Dərc edilib: 24 aprel 2020 [13:29]
Baxış sayı: 621655

Bakı Şəhər Halqası Əməliyyat Şirkəti (BŞH) davam edən COVID-19 qlobal pandemiyası səbəbindən qeyri-müəyyən müddətə təxirə salınan “Formula 1” üzrə Azərbaycan Qran-Prisi ilə əlaqədar son vəziyyətə aydınlıq gətirib.

BŞH-dən  verilən məlumata görə, builki çempionatın ilkin yarış cədvəlində 5-7 iyunda keçirilməsi nəzərdə tutulan Azərbaycan Qran-Prisinin təxirə salınması barədə qərar Azərbaycan hökuməti, “Formula 1” rəhbərliyi və Beynəlxalq Avtomobil Federasiyası (FIA) tərəfindən uzun müddət aparılan üçtərəfli danışıqlardan sonra qəbul edilib.

Hazırda dünya çempionatının bütün iştirakçıları mövcud vəziyyəti izləməkdə davam edir. Əməliyyat şirkəti bütün işçilər, azarkeşlər və komandalarla yanaşı, Azərbaycan xalqının sağlamlığa, rifahına təhlükə yaradacaq addım atmaqdan çəkinir və bəyan edir ki, vəziyyət stabilləşməyənədək, həmçinin, karantin tədbirləri tam aradan qaldırılmayanadək “Formula 1”in Bakı yarışı üçün dəqiq tarixin müəyyənləşdirilməsi mümkün olmayacaq.


Azərbaycan Qran-Prisinin promouteri yarışı izləyicisiz keçirməyi məqsədəuyğun saymır və ümid edir ki, bu il iyunun sonundan etibarən Bakıda “Formula 1” komandalarını və azarkeşlərini qəbul edə biləcək təhlükəsiz şərait tam bərpa olunacaq.

Regionun iqlim şəraitinin nəzərə alınmasının vacibliyini qeyd edən əməliyyat şirkəti ilə “Formula 1” rəhbərliyi Bakı mərhələsinin oktyabrın ortalarınadək keçirilməsinin məqsədəuyğun olacağı barədə həmfikirdir.

Qeyd edək ki, “Formula 1” üzrə Azərbaycan Qran-Prisi paytaxtın mərkəzi küçələrində keçirilir və yarış trekinin qurulması üçün ən azı 12 həftə tələb olunur. Bu baxımdan, builki Azərbaycan Qran-Prisinin yeni tarixi barədə yekun qərarın iyulun ilk həftəsindən gec olmayaraq, qəbul edilməsi zəruridir.


İnterpress.az






Oxşar xəbərlər

"BAKUBUS" lardan razısınız?


Cəmi səslər: 266