Bizi Facebook`da izləyin

20 saniyəyə bağlanır... Bağla

Haqqımızda

Əlaqə



Gürcüstan bəzi ölkələrlə hava əlaqəsinin açılması barədə danışıqlara başlayıb

Gürcüstan hökuməti bir sıra qonşu ölkələrlə uçuşların bərpası barədə danışıqlar aparır.

Dərc edilib: 2 may 2020 [12:15]
Baxış sayı: 876857

Gürcüstan hökuməti bir sıra qonşu ölkələrlə uçuşların bərpası barədə danışıqlar aparır.

“Sputnik Gürcüstan” bu barədə ölkənin İqtisadiyyat və İnkişaf naziri Natia Turnavaya istinadla xəbər yayıb:

“Koronavirusun yayılması ilə əlaqədar olaraq, martın 21-dən etibarən Gürcüstanda fövqəladə vəziyyət rejimi hökm sürür. Eyni zamanda, bütün istiqamətlərə müntəzəm uçuşlara qadağa qoyulub. Mülki Aviasiya Agentliyindən verilən məlumata görə, qadağa mayın 22-də ləğv ediləcək, ancaq bu, son tarix olmaya bilər.

Artıq düşünürük ki, tələblərə ciddi riayət etməklə müəyyən istiqamətlərdə müntəzəm uçuşları bərpa edə bilərik. Lakin bu, danışıqlar apardığımız ölkələrin iradəsindən və vəziyyətdən asılı olacaq”, - deyə N.Turnava jurnalistlərə bildirib.

İqtisadiyyat Nazirliyinin rəhbəri Gürcüstanın hansı ölkələrlə danışıqlar apardığını açıqlamayıb.

N.Turnava daha əvvəl bildirmişdi ki, Gürcüstan turistlərə qapısını ilk açan ölkələrdən biri olmaq niyyətindədir.

Qeyd edək ki, Gürcüstanın Baş naziri Giorgi Qaxaria isə bir müddət əvvəl ölkə sərhədlərinin ilin sonuna qədər açılmasının mümkün olmayacağını demişdi.


İnterpress.az






Oxşar xəbərlər

"BAKUBUS" lardan razısınız?


Cəmi səslər: 268